ramy
*** بـدأ يـشـتـغـل ***
 عدد الرسائل : 54
العمر : 35
العمل/الترفيه : طالب فكليه اداب قسم اللغه الانجليزيه
عارضة الطاقة :
تاريخ التسجيل : 27/02/2009
 |  موضوع: رباعيات  الجمعة فبراير 27, 2009 8:27 am | |
| عيش حياتك كفاية إن إحنا شباب
بنحب و نتحب بنسيب و نتساب
إتلذذ يابنى حتى بالعذاب
ماتقفلش في وش عمرك من بدري الباب
في يوم هتقولك الدنيا وسع سيب مكان
خلص عمرك سلم الورق و العنوان
ولا هتسمعك لو قولت بدري الآوان
ياريت تفهم إزاي إنت فاني يا إنسان
إدوني عمر و قالولي عيش و كون
قدامك الدنيا و واسع أهو الكون
يا ترى مين فينا هو اللي مجنون
لما كله تمام أمال أنا ليه مطحون
بيقولوا أجمل حاجة إنك في الهدوء تعيش
بس معايا أنا ده شيء ما يمشيش
من الوحدة بموت و السكوت فيه ماليش
إسألني عن أي حاجة بس عقل ما تلاقيش
أيه يا صاحب عمري إنت ما صدقت
و بينك و بين حتة منك في لحظة فرّقت
كنت إخدعني حسسني إني معاك فرقت
ولا أقولك خلاص أنا من وهمي فقت
يا ترى يا نفسي أيه النهاردة مستنيكي
برد شتا ولا شمس بشعاعها تدفيكي
كدة ولا كدة فيه يد عليا بتحميكي
رب خالق فوق كل شيء مصطفيكي
ليه يا قلبي سايق في شغل الجنان
كل يوم تشيل و تحط أشكال و ألوان
حتت شطرنج الناس على لوحة الزمان
خايف يوم تطلب تغيرني أنا كمان
بحلم و الحلم بعد شوية يتحقق
تبص عيني على حلمي و تدقق
إعذرني يا زمن مش مصدق
عمري ما شفتك عليا مترقق
مش هقولك كل يوم بيتغير إحساسي
لأ دا أنا كل لحظة مرة لين مرة قاسي
طفل أنا تايه و عنوان بيته ناسي
مركب في بحر هايج ولا في مينا راسي
إنسان غريب أجري ورا حلمي سنين
يتحقق أقول هو ده كان حلم مين
اللي إنهاردة بتمناه مع كل غمضة عين
هو اللي بكرة أسأله فكرني شفتك فين
معقول بجد طب إحلف إن عندك قلب
يعني ممكن يوم تندم و تحس بالذنب
و تبطل تشوف الناس ليك أسرى حرب
خدها مني حكمة نموت لو لم نحب
أهرام جمهورية إقرا الأخبار
زلازل هنا و فيضانات و هناك إعصار
أيه يا طبيعة هو بيننا و بينك بايت تار
مش كفاية إبن آدم فاتح في وش أخوه النار
من نعومة ضوافري زهقوني علوم و حساب
قالولي إطلع يابنى محامي تاخد أتعاب
أو طبيب ترحم خلق الله من العذاب
و أديني أهو في دفتر الدنيا مكتوب غياب
أنا اللي عمري ما شفت شكل القبور
ولا عشت في حياتي غير فرح و حبور
النهاردة رايح جاي بودع اللي عليه الدور
آه من قسوة الضلمة لعين خدت على النور | |
|
????
زائر
| | موضوع: نيس كلام الجمعة فبراير 27, 2009 12:35 pm | |
| بجد الموضوع داة موضوع شديد وانا سعيد انى هكون اول من يرد على الموضوع داة وربنا يوفقك |
|
dangerous
*** مشرف منتدى الصور ***
عدد الرسائل : 205
العمر : 29
العمل/الترفيه : طالب
المزاج : عسل
عارضة الطاقة :
تاريخ التسجيل : 27/02/2009
| | موضوع: رد: رباعيات الجمعة فبراير 27, 2009 2:02 pm | |
| شكرا على الموضوع وربنا يوفقك
مستنين كل جديد | |
|
ramy
*** بـدأ يـشـتـغـل ***
عدد الرسائل : 54
العمر : 35
العمل/الترفيه : طالب فكليه اداب قسم اللغه الانجليزيه
عارضة الطاقة :
تاريخ التسجيل : 27/02/2009
| | موضوع: رد الثلاثاء مارس 03, 2009 11:47 am | |
| شكرا يا جماعه على ردودكم رغم انني زعلان ان نادرا ما حد بيرد | |
|
@*@أمير الحب@*@
المدير
عدد الرسائل : 150
العمر : 35
الموقع : وانت مالك
العمل/الترفيه : عندليب المحلة
عارضة الطاقة :
تاريخ التسجيل : 06/03/2009
| | موضوع: رد: رباعيات الأربعاء مارس 18, 2009 1:40 am | |
| تسلم ايدك يا روميو
كلام زى الفل
| |
|
